Kaixo!

Ikastolako web orria lineaz kanpo dagoen bitartean gune hau erabiliko dugu komunikazio iturria.

Lehenbailehen konpontzen saiatuko gara eta barkatu eragozpenak.

webmasterra

Kaixo lagunok:

Zeuek idatzitako azken alea irakurtzeko aukera izan dut eta zoriondu nahi zaituztet. Bikain ari zarete dudipe! Horrela segi ezazue eta besteok aukera izango dugu herriko berriez gain zuen berri ere izateko! Ez dakit zuek konturatuko zareten baina zuen idatziak egunetik egunera irabazten ari dira kalitatean!

Mila esker zuen lanarengatik eta aurrera!

Mariaje, zuzendaritzaren aterki azpitik

Oporrak amaitu dira eta lanera itzuliko garen honetan URTEBERRI ZORIONTSU ETA OPAROA opa nahi dizuet guztioi!

Gora gure ikastola!

Guk euskaraz, zuk zergatik ez?

Orain zuen bertutez zuen indarrez, (bir)

Euskara itsaso urdin eta zabal bat izanen da ,

eta gurea da! (bir)

Guk euskaraz, zuk zergatik ez?

Guk euskaraz, zuk zergatik ez?

Mintza euskaraz! Gaur, bihar eta etzi!

Bizi euskaraz! Bizi ganoraz!

Begiak zabaldu eta zer ikusi? Marrazo handi-handi bat ondoan nuen! Ederra benetan! Bere hegaletatik heldu eta belarrira kontu bat esan dit: Araia Soroak marraztu nau! Araia? gure ikastolako Haur Hekuntzako 5 urtekoak? Glu, glu (bai, bai) esan dit.

Ezin nuen sinetsi! Eta koloretakoa bazara , eta paperean marraztuta gainera, noletan ez zara bada nik ukitu orduko desegiten? Uretan gaude gainera! Ezinezkoa da!

Atximurra egin diot nire masailari ametsetan ote nengoen ikusteko, baina ez ez… egia zen. Txan magoak  baino abilidade gehiago du Araiak! esan dit marrazoak.

…Eta egia da! Horregatik irabazi du Donostiako Aquariumak emandako saria TIBURON izeneko txapelketan.

Bejoindeizula Araia! eta segi marrazten eta itsaso hondoa kolorez betetzen!

Alajaina! Detektibe lanetan aritzeak ustekabe ederrak ematen dituenik ezin uka! Hara eta gutunontzia miatu eta gero non aurkitu dudan altxor paregabea! DBH3. mailakoen kazetaritza lanen emaitza oparoa eta bi erredaktore- buru irribartsu argazki kamerari kuku eginez!
Kazetari lanari tamaina hartzen hasia zaudeten ikasleon konzentrazio aurpegiak ikusteak bakarrik, adierazten du zeinen  gogor ari zareten lanean!
Zorionak bada eta eutsi goiari! Ea laster batean ikusten ditugun nonahi barreiaturik zuen artikulu, erreportaje eta gainerako idazlanak! Hau hasi besterik ez da egin lagunok!

Kaixo, irakurle hori!

Egia da. Bai, bai. Duela aste batzuk HIK HASI Euskal Heziketarako aldizkarikoak izan zirela gurean eta, gertutik ezagutzerik izan zuten DBH3 ko ikasleek egiten duten lana ihintz@ aldizkariaren inguruan, besteak beste. Aldizkariaren erredaktorea den Joxe Mari Auzmendi izan zen gure artean eta aldizkariari buruzko informazioa ez ezik argazkiak ere egin zizkien ikasle prestu hauei. Bejondeizuela eta segi lanean jator kazetari gazteok!

Ba bai! Gure ikaslea den Sarai Lizaso Emakumezkoen Lehen Kontxako Banderarako estropadetan dugu Kataluniako Colera izeneko traineruan patroi gisa. Harrapatzan!
Zorionak Sarai eta eutsi goiari

Gaur goizean albiste txarra bezain tristea jaso dugu ikastola komunitatea osatzen dugunok (ikasle, guraso eta irakasle) gurean ikasitako Mirotz Ullate ikasle ohia hil dela jakitean. Bere gaixotasunaren berri ezustean harrapatu gaitu udara honetan eta egindako ebakuntza ondoren besterik gabe aurrera egingo zuen itxaropena genuen ezagutzen genuenok.  Ez da horrela izan eta une triste bezain gogor hauetan gure samina eta dolumnina azaldu nahi diegu bere gurasoei, ikastola komunitate osoarengan gure begirune eta estimua aurki dezaten.
Goian bego, Mirotz!

Ongi etorri, berriro ere, Udarregienera!

Gure eskuetatik at gertatu diren arazoak direla eta azken egunotan ikastolako web-orririk gabe gaude, astelehena geroztik Ikastolen Elkarteko ikasweb arduradunarekin hitz egin eta gero arazoa lehenbailehen konponduko zuten agindua jaso genuela. Baina, astea aurrera doa eta ederki asmatuko zenuten legez “ahoa bete hortz” jarraitzen dugu arazoa ez dela konpontzen ikusita.

Hau dela eta, web orriaren funtzionamenduaren eten honengatik barkamena eskatzea besterik ez zaigu geratzen lehenbailehen berriro martxan jarriko duten itxaropena azalduz. Eta gure haserrea ere bai.

Web orrian egokitzen ditugun loturak eskura izan ditzazuen hona hemen horietako batzuk:

• GAPPS Irakasleon posta elektronikoa-> http://partnerpage.google.com/udarregi.com
• Ikasleen IHINTZA aldizkari digitala -> http://ihintza.ikazeta.com/

Ondo izan!